Plantun de Prouvènço

Pèr coumpara dos planto d'encò nostre

Reseda luteola & Stellaria graminea

Erbo-di-judiéu

Reseda luteola

Resedaceae

Àutri noum : Erbo-di-jusiòu, Gaudo, Erbo-jauno, Erbo-dóu-jasiòu.

Noms en français : Réséda des teinturiers, Gaude.

Descripcioun :
L'erbo-di-jusiòu, que se dis peréu la gaudo, èi pu tant coumuno qu'à passa tèms. Trachis majamen proche d'oustau e en ribo de camin. Se recounèis à si lònguis enflourejado e à si fueio entièro e sarrado sus la tijo.

Usanço :
Servié à passa tèms pèr tencha de jaune li teissu. Après 1395, li jusiéu, forobandi de Franço, s'acampon dins li vilo de la Coumtat papalo. Se soun apara, an pamens proun d'óubligacioun, coume aquelo de viéure dins li "carriero" e de pourta un capèu jaune.

Port : Erbo
Taio : 0,5 à 2 m
Fueio : alterno
Tipe bioulougico : Emicriptoufite
Cicle bioulougico :

Gènre : Reseda
Famiho : Resedaceae

Coulour de la flour : Jauno
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Esboudèu - Champ
Estànci : Termoumediterran à Subremediterran
Couroulougi : Pancaro entresigna
Ref. sc. : Reseda luteola L., 1753

Esteleto(-di-fueio-de-gramenum)

Stellaria graminea

Caryophyllaceae

Nom en français : Stellaire à feuilles de graminée.

Descripcioun :
L'esteleto-di-fueio-de-gramenum, pulèu raro au nostre, trachis dins li bos fres, li tourbièro e li relarg umide. Se recounèis eisadamen à soun port prim emé de tijo carrado e subretout à si fueio en lanço, longo e sènso pecou que dounon un pau d'èr à li dóu gramenum. Apoudèn que li sepalo an 3 nèrvi que se vèson bèn (fotò) e que li petalo fan de 3 à 8 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.

Port : Erbo
Taio : 10 à 50 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Stellaria
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 7 à 10 mm
Flourido : Printèms - Estiéu

Sòu : Si (Ca)
Autour basso e auto : 0 à 1700 m
Aparado : Noun
Jun à juliet

Liò : Bos fres - Prado umido - Tourbièro - Proche de ribiero
Estànci : Mesoumediterran à Mountagnard
Couroulougi : Éurosiberiano
Ref. sc. : Stellaria graminea L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Reseda luteola & Stellaria graminea

ges

Coumpara Erbo-di-judiéu emé uno autro planto

Coumpara Esteleto(-di-fueio-de-gramenum) emé uno autro planto